የአዲስ አበባ ገቢዎች ባለስልጣን ህግና ደንብ ጥሰዋል ያላቸዉን 18 ሰራተኞች ከስራ አሰናበተ

የባለስልጣኑ ዋና ዳይሬክተር አቶ ሺሰማ ገብረስላሴ ዛሬ በሰጡት መግለጫ እንደተናገሩት፥ ደንበኞችን የማያከብሩ፣ መድሎ የሚፈጽሙና የስነ ምግባር ችግር የታየባቸው 18 ሰራተኞች ከስራ ተሰናብተዋል፣ 102 ሰራተኞች ማስጠንቀቂያ የደረሳቸዉ ሲሆን 15 ያህሉ ደግሞ ከደረጃና ደሞዝ ዝቅ እንዲሉ ውሳኔ ተላልፎባቸዋል።

ባለፈው ዓመት ከደንበኞች አገልፍግሎት ጋር በተያያዘ 320 ሺህ ያህል ቅሬታዎች መስሪያ ቤቱ ላይ መቅረባቸውን የተናገሩት ዳይሬክተሩ፥ ወደ ግብር ይግባኝ ሰሚ የተሸጋገሩት 3 ሺህ ያህል ናቸው ብለዋል።

ባለስልጣኑ በያዝነው በጀት ዓመት 44 ነጥብ 7 ቢሊየን ብር ከግብር እና ቀረጥ ለመሰብሰብ እቅድ እንዳለው ተናግረዋል።