የጆርጅ ቡሽ ትልቁ አስከሬን ስንብት እየተደረገለት ነው
የጆርጅ ቡሽ ትልቁ አስከሬን ስንብት እየተደረገለት ነው
አርትስ 26/03/2011
በስንብት ስነ ስርዓቱ ላይ በህይወት ያሉ የአሜሪካ የቀድሞ ፕሬዝዳንቶችና ቀዳማዊት እመቤቶች እንዲሁም ልጆቻቸው ዋነኛ ታዳሚዎች ናቸው፡፡
ፕሬዝዳንት ዶናልድ ትራምፕ 41ኛው የአሜሪካ ፕሬዝዳንት ሆነው ያገለገሉት ጆርጂ ቡሽ አስከሬን ስንብት ቀን ብሄራዊ ቀን ተብሎ እንዲጠራና እንዲዘከር ሲሉ አዘዋል፡፡
የቀድሞው የአሜሪካ ፕሬዝዳንት ባራክ ኦባማ በትዊተር ገፃቸው ባሰፈሩት ፅሁፍ ሀገሬ ትልቁ አርበኛዋን አጣች በማለት የተሰማቸውን ሀዘን ገልፀዋል፡፡
ፕሬዝዳንት ትራምፕ ከባለቤታቸው ሜላኒያ ትራምፕ ጋር በመሆን ለቀድሞው ፕሬዝዳንት አስከሬን የክብር ሰላምታ ሰጥተዋል፡፡
ቡሽ ከባለቤታቸው ባርባራ ቡሽ ጋር በነበራቸው ረጂም የጋብቻ ዘመናቸው ትዳራቸውን አክባሪ እንደነበሩ ይነገርላቸዋል፡፡