ከጉምሩክ አገልግሎት አሰጣጥ ጋር በተያያዘ በዘጠኝ ጉዳዮች ላይ የአሰራር ማሻሻያ ተደረገ

ከጉምሩክ አገልግሎት አሰጣጥ ጋር በተያያዘ በዘጠኝ ጉዳዮች ላይ የአሰራር ማሻሻያ ተደረገ
የጉምሩክ ኮሚሽን በዛሬው ዕለት ከንግዱ ማህበረሰብ ጋር እየተካሄደ ባለው የምክክር መድረክ ላይ እንዳስታወቀው ከጉምሩክ አገልግሎት አሰጣጥ ጋር ተያይዞ የተንዛዙና ጊዜ የሚወስዱ የነበሩ ዘጠኝ ጉዳዮች ተለይተው ማሻሻያ ተደርጎባቸዋል፡፡
በተደረጉት የአሰራር ማሻሻያዎችም እስክ 48 ሰዓታት ጊዜን እና 3000 የአሜሪካ ዶላር ወጪ መቀነስ የሚያስችሉ እንደሆኑ ተገልጿል፡፡
የአሰራር ማሻሻያው የተደረገው ዕቃ ሳይደርስ የዕቃ አወጣጥ ስርዓት መፈፀም ዕቃዎች ከደረቅ ወደብ በባንክ ጋራንቲ ማስተናገድ፣ ለገቢና ወጪ ዕቃዎች የሚጠየቁ ሰነዶች መቀነስ፣ የአስገዳጅ ታሪፍ መረጃ አሰጣጥ፣ ቀለል ያለ የጉምሩክ ስነስርዓት አፈፃፀም፣ አዲሱ የኢትዮጵያ የጉምሩክ ስር አመራር ስርዓት፣ በወጪ እና ገቢ ዕቃዎች ላይ የስጋት ስራ አመራር ስርዓት ተግባራዊ ማድረግ እና ወጥነት ያለው የዕቃዎች ዋጋ መግለጫ ደረሰኝ ተግባራዊ ማድረግ በሚሉ ዘጠኝ ጉዳዮች ላይ ነው ፡፡